جنرل راحیل نے عیدالفطر شمالی وزیرستان میں جوانوں کے ساتھ منائی
اسلام آباد: پاک فوج کے ترجمان میجر جنرل عاصم باجوہ نے کہا ہے کہ پاکستان کو دہشت گردی سے پاک کرنے کا مشن مکمل ہونے تک جنگ جاری رہے گی۔
عید کے موقع پر قوم کے نام انٹر سروسز پبلک ریلیشنز (آئی ایس پی آر) کی جانب سے سوشل میڈیا پر پیغام میں ان کا کہنا تھا کہ پاکستان دہشت گردی کوشکست دے کر آگے بڑھے گا۔
#COAS offering Eid prayers on the front lines with troops in Waziristan pic.twitter.com/sIFeOadGgp
— AsimBajwaISPR (@AsimBajwaISPR) July 18, 2015
آرمی چیف نے نماز عید کی ادائیگی کے بعد فوجی جوانوں سے ملاقات کی اور ان کو عید کی مبارک بعد دینے کے ساتھ بھر پور حوصلہ افزائی کی۔
خیال رہے کہ جنرل راحیل شریف گزشتہ روز وزیرستان پہنچے تھے اور انہوں نے رمضان المبارک کا آخری روزہ بھی وہاں گزارا تھا جبکہ آخری افطار بھی جوانوں کے ساتھ فرنٹ لائن پر کی تھی۔